റോബോട്ടുകളെ നിര്‍മിക്കാന്‍ റോബോട്ടുകള്‍; ചൈനയിലെ പുതിയ വിപ്ലവം

റോബോട്ടുകള്‍ മറ്റ് റോബോട്ടുകളെ നിര്‍മിക്കുന്ന കാലം എത്തിയിരിക്കുകയാണ്. സയന്‍സ് ഫിക്ഷന്‍ സിനിമകളിലെ രംഗമെന്ന് തോന്നുമെങ്കിലും സംഭവം യാഥാര്‍ഥ്യമാണ്. ചൈനയില്‍ വ്യാവസായിക ഹ്യൂമനോയിഡ് റോബോട്ടുകളുടെ വന്‍തോതിലുള്ള നിര്‍മാണത്തിനായി പുതിയ ഫാക്ടറി പ്രവര്‍ത്തനം ആരംഭിച്ചു. ഉബിടെക് റോബോട്ടിക്‌സാണ് ലിയുഷൗവില്‍ പുതിയ നിര്‍മാണകേന്ദ്രം തുറന്നത്. ഗ്വാങ്സി ഷുവാങ് സ്വയംഭരണ മേഖലയിലാണ് ഫാക്ടറി സ്ഥിതി ചെയ്യുന്നത്. നിര്‍മാണപ്രക്രിയയുടെ വിവിധ ഘട്ടങ്ങളില്‍ റോബോട്ടുകളെ തന്നെ ഉപയോഗിക്കുന്നതാണ് ഈ ഫാക്ടറിയുടെ പ്രധാന പ്രത്യേകത. ഓരോ 10 മിനിറ്റിലും ഒരു വ്യാവസായിക ഹ്യൂമനോയിഡ് റോബോട്ട് നിര്‍മിക്കാന്‍ ഇവിടെ സാധിക്കും