Kerala
ഓണ്‍ലൈനില്‍ ഓര്‍ഡര്‍ ചെയ്തത് ആന്‍ഡ്രോയിഡ് ഡിവൈസ്; പാര്‍സല്‍ തുറന്നപ്പോള്‍ കണ്ടത് ചാണകം, പരാതി നല്‍കി യുവാവ്
CITY NEWS DESK -VIDHULA | 52 days ago | 5 min read
ഗ്രേറ്റര്‍ നോയിഡ: ഓണ്‍ലൈനില്‍ ഓര്‍ഡര്‍ ചെയ്ത ആന്‍ഡ്രോയിഡ് ഉപകരണത്തിന് പകരം പാര്‍സലില്‍ നിന്ന് ചാണകം ലഭിച്ചതായി പരാതി. ഗ്രേറ്റര്‍ നോയിഡയിലെ ദന്‍കൗര്‍ പോലീസ് സ്റ്റേഷന്‍ പരിധിയിലെ നിവാസിയായ ആകാശ് എന്നയാള്‍ക്കാണ് ഓണ്‍ലൈന്‍ ഷോപ്പിംഗില്‍ ഇത്തരമൊരനുഭവം ഉണ്ടായത്. ജോലി ആവശ്യത്തിനായി ഏതാനും ദിവസങ്ങള്‍ക്ക് മുന്‍പാണ് ഒരു വെബ്സൈറ്റ് വഴി 1,999 രൂപ വിലമതിക്കുന്ന ആന്‍ഡ്രോയിഡ് ഉപകരണം ആകാശ് ഓര്‍ഡര്‍ ചെയ്തത്. ബുക്കിംഗ് സമയത്തുതന്നെ അദ്ദേഹം തുക മുഴുവനായും ഓണ്‍ലൈന്‍ വഴി അടയ്ക്കുകയും ചെയ്തിരുന്നു. തിങ്കളാഴ്ച വൈകുന്നേരം 5 മണിയോടെ കൊറിയര്‍ വഴി വീട്ടില്‍ ലഭിച്ച പാര്‍സല്‍ തുറന്നു നോക്കിയപ്പോഴാണ് ഉപകരണത്തിന് പകരം ഉണങ്ങിയ ചാണകം അടങ്ങിയ പാക്കറ്റ് കണ്ട് ആകാശ് ഞെട്ടിയത്.
- എഴുതിയത്
- CITY NEWS DESK -VIDHULA
- നഗരം / വിഭാഗം
- Kerala