പാലക്കാട് നഗരസഭയില്‍ 'വന്ദേമാതരം' തര്‍ക്കം, ബഹിഷ്‌കരിച്ച് യുഡിഎഫ്, ആദ്യ ചരണത്തിന് ശേഷം സീറ്റിലിരുന്ന് എല്‍ഡിഎഫ്; മുഴുവന്‍ ചൊല്ലി ബിജെപി കൗണ്‍സിലര്‍മാര്‍
CITY NEWS DESK-ANANYA | 61 days ago | 5 min read
പാലക്കാട് നഗരസഭയിലെ സ്‌പെഷ്യല്‍ കൗണ്‍സില്‍ യോഗത്തില്‍ വന്ദേമാതരം പൂര്‍ണമായും ആലപിക്കുന്നത് യു ഡി എഫ് കൗണ്‍സിലര്‍മാര്‍ ബഹിഷ്‌കരിച്ചു. യോഗ നടപടികള്‍ക്കായി ഹാജര്‍ രജിസ്റ്ററില്‍ ഒപ്പിട്ട ശേഷം യു ഡി എഫ് അംഗങ്ങള്‍ വന്ദേമാതരം ആലപനത്തില്‍ പങ്കെടുക്കാതെ ഹാളില്‍ നിന്നും പുറത്തുപോവുകയായിരുന്നു. സാധാരണയായി എല്ലാ നഗരസഭാ കൗണ്‍സില്‍ യോഗങ്ങളിലും വന്ദേമാതരത്തിന്റെ ആദ്യ രണ്ട് ചരണങ്ങളാണ് ചൊല്ലാറുള്ളത്. അതേസമയം യോഗത്തില്‍ എല്‍ ഡി എഫ് കൗണ്‍സിലര്‍മാര്‍ ആദ്യ ചരണം പാടിയതിന് പിന്നാലെ തങ്ങളുടെ സീറ്റുകളില്‍ തിരികെ ഇരുന്നു. എന്നാല്‍ ബി ജെ പി കൗണ്‍സിലര്‍മാര്‍ നഗരസഭയില്‍ വന്ദേമാതരം പൂര്‍ണ്ണമായും ചൊല്ലിയാണ് യോഗനടപടികളിലേക്ക് കടന്നത്. വന്ദേമാതരം ആലപിക്കുന്നതുമായി ബന്ധപ്പെട്ട് ഉയര്‍ന്ന വ്യത്യസ്ത നിലപാടുകള്‍ കൗണ്‍സില്‍ യോഗത്തിലും ചര്‍ച്ചയാകും.
- എഴുതിയത്
- CITY NEWS DESK-ANANYA
- നഗരം / വിഭാഗം
- Kerala