പാല്‍ വില ലിറ്ററിന് ഒറ്റയടിക്ക് 9 രൂപ കൂട്ടി, സെപ്റ്റംബര്‍ 1 മുതല്‍ 102 രൂപ; മുംബൈയില്‍ കുത്തനെ നിരക്ക് ഉയരുന്നു

വില വര്‍ധനവിനുള്ള കാരണങ്ങള്‍ കന്നുകാലികളുടെ വിലയിലുണ്ടായ നിരന്തരമായ വര്‍ധനവും കാലിത്തീറ്റ, പുല്ല് എന്നിവയുടെ ചെലവിലുണ്ടായ കുതിച്ചുചാട്ടവുമാണ് പാല്‍ വില കൂട്ടാന്‍ കാരണമെന്ന് ഉല്‍പാദകര്‍ വ്യക്തമാക്കുന്നു. കഴിഞ്ഞ കുറച്ചു മാസങ്ങളായി ഡെയറി ഫാമുകള്‍ നടത്തിക്കൊണ്ടുപോകുന്നതിനുള്ള ചെലവ് ഗണ്യമായി വര്‍ധിച്ചിട്ടുണ്ട്. ധാന്യങ്ങള്‍ ഉള്‍പ്പെടെയുള്ള വിവിധ തരം കാലിത്തീറ്റകളുടെ വില 25 ശതമാനം വരെയാണ് കൂടിയത്. പച്ചപ്പുല്ലിന്റെയും പിണ്ണാക്കിന്റെയും ഉയര്‍ന്ന വില പാല്‍ ഉല്‍പാദനച്ചെലവ് കൂടുതല്‍ ഉയര്‍ത്തി. ഈ സാഹചര്യത്തിലാണ് വില വര്‍ധിപ്പിക്കാന്‍ നിര്‍ബന്ധിതരായതെന്ന് ഉല്‍പാദകര്‍ പറഞ്ഞു.