ചുമട്ടുതൊഴിലാളികളുടെ ഉജ്ജ്വല മാര്‍ച്ച്

ചുമട്ടുതൊഴിലാളി ബോര്‍ഡിന്റെ ഭരണ സ്തംഭനത്തില്‍ പ്രതിഷേധിച്ച് കാഞ്ഞങ്ങാട് അസിസ്റ്റന്റ് ലേബര്‍ ഓഫീസിലേക്ക് ചുമട്ടു തൊഴിലാളി യൂണിയന്‍ സിഐടിയു കാസര്‍ഗോഡ് ജില്ല കമ്മിറ്റിയുടെ നേതൃത്വത്തില്‍ മാര്‍ച്ചും ധര്‍ണയും നടത്തി. ചുമട്ടുതൊഴിലാളികളുടെ ആനുകൂല്യങ്ങളും അവകാശങ്ങളും നല്‍കേണ്ട ക്ഷേമ ബോര്‍ഡ് ഭരണസമിതി പുനസ്ഥാപിക്കുക.ആനുകൂല്യങ്ങള്‍ വേഗത്തില്‍ വിതരണം ചെയ്യുക ,ജീവനക്കാരുടെ അന്യായമായ സ്ഥലംമാറ്റം റദ്ദാക്കുക,താല്‍ക്കാലിക ജീവനക്കാരെ പിരിച്ചുവിടുന്നത് അവസാനിപ്പിക്കുക,തുടങ്ങിയ മുദ്രാവാക്യങ്ങള്‍ ഉന്നയിച്ചാണ് മാര്‍ച്ച് നടത്തിയത്.സിഐടി ജില്ലാ ജനറല്‍ സെക്രട്ടറി പി മണിമോഹന്‍ മാര്‍ച്ച് ഉദ്ഘാടനം ചെയ്തു.ജില്ലാ പ്രസിഡണ്ട് കെ ടി കുഞ്ഞുമുഹമ്മദ് അധ്യക്ഷത വഹിച്ചു.ജില്ലാ ട്രഷറര്‍ എം വികൃഷ്ണന്‍.സംസ്ഥാന കമ്മിറ്റി അംഗം എ ഇ സെബാസ്റ്റ്യന്‍,ഇ കെ ചന്ദ്രന്‍.കെ ബിനിഷ് പി എന്‍ ബാലകൃഷ്ണന്‍.കെഎന്നിവര്‍ സംസാരിച്ചു.ജില്ലാ ജനറല്‍ സെക്രട്ടറി കെ മോഹനന്‍ സ്വാഗതം പറഞ്ഞു