പി മാണിക്കുഞ്ഞി അനുസ്മരണം നടന്നു

പി മാണിക്കുഞ്ഞി അനുസ്മരണം നടന്നു വെള്ളിക്കോത്ത്:അഖിലേന്ത്യ ജനാധിപത്യ മഹിള അസോസിയേഷന്‍ കാഞങ്ങാട് ഏരിയ കമ്മിയുടെ നേതൃത്വത്തില്‍ പി. മാണിക്കുഞ്ഞി അനുസ്മരണ പരിപാടി സംഘടിപ്പിച്ചു. അജാനൂരിലും, കാഞങ്ങാട് ഏരിയയിലും മഹിള പ്രസ്ഥാനം കെട്ടിപടുക്കുന്നതില്‍ പ്രധാന പങ്കുവഹിച്ച മടിയനിലെ പി. മാണി കുഞ്ഞി യുടെ അനുസ്മരണ പരിപാടിയില്‍ അസോസിയേഷന്‍ ജില്ല വൈസ് പ്രസിഡണ്ട് സുനു ഗംഗാധരന്‍ അനുസ്മരണ പ്രഭാഷണം നടത്തി. കെ.വി. ശകുന്തള അധ്യക്ഷത വഹിച്ചു. ജില്ലാകമ്മറ്റി അംഗങ്ങളായ ദേവി രവീന്ദ്രന്‍ , ഫൗസിയ ഷെരീഫ്, ഏരിയ കമ്മറ്റി അംഗങ്ങളായ കെ. വി.ലക്ഷ്മി. വി. വി.തുളസി, ടി.ശോഭ സരസ കിഴക്കും കര സുനിത രാവണേശ്വരം, ബിന്ദു പുല്ലൂര്‍,കെ. സുമതി എന്നിവര്‍ സംബന്ധിച്ചു. മഹിള അസോസിയേഷന്‍ ഏരിയ സെക്രട്ടറി കെ.വി. സുജാത ടീച്ചര്‍ സ്വാഗതം പറഞ്ഞു.