കലാകേന്ദ്രം UAE ഓണാഘോഷം വിപുലമായി സംഘടിപ്പിച്ചു
CITY NEWS DESK | 12 hours ago | 5 min read
ഷാര്ജ: കലാകേന്ദ്രം UAEയുടെ ഈ വര്ഷത്തെ ഓണാഘോഷം ഷാര്ജ അല് നഹ്ദയിലെ നിള റെസ്റ്റോറന്റില് വിപുലമായ പരിപാടികളോടെ ആഘോഷിച്ചു. കലാകേന്ദ്രം UAE പ്രസിഡന്റ് സുനില് വെങ്ങച്ചേരിയുടെ അധ്യക്ഷതയില് നടന്ന ചടങ്ങ് കലാകേന്ദ്രം രക്ഷാധികാരി രാജേഷ് രാമഗിരി ഉദ്ഘാടനം ചെയ്തു. സെക്രട്ടറി സന്തോഷ് രാമഗിരി സ്വാഗതവും ,ട്രഷറര് മഹേഷ് കുണ്ഡത്തില് നന്ദി രേഖപ്പെടുത്തുകയും ചെയ്തു. ചടങ്ങില് ആശ്രയ ചാരിറ്റബിള് ട്രസ്റ്റ് പ്രസിഡന്റും കെസെഫ് സെക്രട്ടറി ജനറലുമായ മുരളി നമ്പ്യാര്, രാവണേശ്വരം വെല്ഫെയര് അസോസിയേഷന് (RWA) പ്രസിഡന്റ് ബാലകൃഷ്ണന് കൂട്ടക്കനി, RWA സെക്രട്ടറി ശ്രീനാഥ് തണ്ണോട്ട്, അജിത്, നാരായണന് എന്നിവര് ആശംസകള് നേര്ന്ന് സംസാരിച്ചു. ഓണാഘോഷത്തിന്റെ ഭാഗമായി സാമൂഹിക, സാംസ്കാരിക രംഗങ്ങളിലെ സജീവ സാന്നിധ്യങ്ങളായ മുരളി നമ്പ്യാര്, ബാലകൃഷ്ണന് കൂട്ടക്കനി എന്നിവരെ കലാകേന്ദ്രം മുന് ഭാരവാഹികളായ കൃഷ്ണന് മീത്തല്, കണ്ണന് രാമഗിരി എന്നിവര് ചേര്ന്ന് ആദരിച്ചു. മലയാളികളുടെ ഐക്യത്തിന്റെയും സ്നേഹത്തിന്റെയും സാഹോദര്യത്തിന്റെയും സന്ദേശം പകര്ന്ന ഓണാഘോഷം പ്രവാസി മലയാളികളുടെ ഒത്തുചേരലിന് വേദിയായി.
- എഴുതിയത്
- CITY NEWS DESK
- നഗരം / വിഭാഗം
- Kerala