കര്‍ണാടകത്തിലെ വരള്‍ച്ച: പ്രധാനമന്ത്രിക്ക് കത്തയച്ച് മല്ലികാര്‍ജുന്‍ ഖര്‍ഗെ; അടിയന്തര ഇടപെടല്‍ വേണമെന്ന് ആവശ്യം
CITY NEWS DESK-ANANYA | 5 hours ago | 5 min read
ബെംഗളൂരു: കര്‍ണാടകത്തിലെ വരള്‍ച്ചയില്‍ അടിയന്തര ഇടപെടല്‍ ആവശ്യപ്പെട്ട് പ്രധാനമന്ത്രിക്ക് കത്തയച്ച് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ. സംസ്ഥാനം ആവശ്യപ്പെട്ട 3,705 കോടി രൂപ ഉടന്‍ അനുവദിക്കണമെന്നതുള്‍പ്പെടെയുള്ള ആവശ്യങ്ങള്‍ ഉന്നയിച്ചാണ് കത്ത്. വരള്‍ച്ച വിലയിരുത്താന്‍ കല്യാണ്‍ കര്‍ണാടകയിലേക്ക് മാത്രം പ്രത്യേക സംഘത്തെ നിയോഗിക്കണം എന്ന ആവശ്യവും ഖര്‍ഗെ മുന്നോട്ട് വെച്ചിട്ടുണ്ട്. കര്‍ഷകര്‍ക്ക് അടിയന്തര ആശ്വാസം അനുവദിക്കണമെന്നും ഇക്കാര്യത്തില്‍ രാഷ്ട്രീയം നോക്കരുതെന്നും ഖര്‍ഗെ ആവശ്യപ്പെട്ടു. വരള്‍ച്ച പഠിക്കാന്‍ കേന്ദ്രം നിയോഗിച്ച സംഘം കര്‍ണാടകത്തില്‍ എത്തിയ ദിവസമാണ് പ്രധാനമന്ത്രിക്കും കേന്ദ്ര ആഭ്യന്തര മന്ത്രി അമിത് ഷായ്ക്കും ഖര്‍ഗെ കത്തയച്ചത്. ഇതിനിടെ സംസ്ഥാനത്തെത്തിയ കേന്ദ്ര സംഘം മുഖ്യമന്ത്രി ഡികെ ശിവകുമാറുമായി കൂടിക്കാഴ്ച നടത്തി. കേന്ദ്ര കാര്‍ഷിക മന്ത്രാലയം ജോയിന്റ് സെക്രട്ടറിയുടെ നേതൃത്വത്തിലുള്ള സംഘം അടുത്ത മൂന്ന് ദിവസം സംസ്ഥാനത്തെ വരള്‍ച്ചാ ബാധിത മേഖലകള്‍ സന്ദര്‍ശിക്കും.
- എഴുതിയത്
- CITY NEWS DESK-ANANYA
- നഗരം / വിഭാഗം
- National