സംഗീത് പ്രതാപ്- ഷറഫുദീന് ചിത്രം 'ഇറ്റ്സ് എ മെഡിക്കല് മിറക്കിള്' ആഗോള റിലീസ് സെപ്റ്റംബര് 18ന്
CITY DESK - ANANYA | 20 hours ago | 5 min read
സംഗീത് പ്രതാപ്, ഷറഫുദീന് എന്നിവരെ കേന്ദ്ര കഥാപാത്രങ്ങളാക്കി നവാഗതനായ ശ്യാമിന് ഗിരീഷ് ഒരുക്കുന്ന 'ഇറ്റ്സ് എ മെഡിക്കല് മിറക്കിള്' ആഗോള റിലീസ് സെപ്റ്റംബര് 18ന്. ഡോക്ടര് പോള്സ് എന്റര്ടൈന്മെന്റ്, ഡ്രീം ബിഗ് ഫിലിംസ് എന്നിവയുടെ ബാനറില് ഡോക്ടര് പോള് വര്ഗീസ്, സുജിത് ജെ നായര് എന്നിവര് ചേര്ന്നാണ് ചിത്രം നിര്മ്മിക്കുന്നത്.അഖില ഭാര്ഗവന് നായികാ വേഷം ചെയ്യുന്ന ചിത്രത്തിന്റെ കഥ, തിരക്കഥ, സംഭാഷണം എന്നിവ രചിച്ചത് നടി നിലീന് സാന്ദ്രയാണ്. കാതങ്ങള് ദൂരെ' എന്ന വരികളോടെ ആരംഭിക്കുന്ന ചിത്രത്തിലെ ഗാനത്തിന് സംഗീതം പകര്ന്നത് മുജീബ് മജീദ് ആണ്.കോമയില് നിന്ന് ഉണര്ന്നെഴുന്നേല്ക്കുന്ന സംഗീത് പ്രതാപ് കഥാപാത്രത്തിന് സൂപ്പര് ഹിയറിങ് എന്ന ശക്തി കിട്ടുന്നത് ആണ് ചിത്രത്തിന്റെ കഥാതന്തു എന്നാണ് ടീസര് നല്കുന്ന സൂചന. അസാധാരണമായ കേള്വി ശക്തി ഒരു സാധാരണക്കാരന് ലഭിക്കുന്നതോടെ സംഭവിക്കുന്ന കാര്യങ്ങളാണ് അതീവ രസകരമായും ആവേശകരമായും ചിത്രത്തിലൂടെ പ്രേക്ഷകരുടെ മുന്നിലെത്തുന്നത്.ചിത്രത്തിന്റെ കഥാ പശ്ചാത്തലം, കഥാപാത്രങ്ങള് എന്നിവയെ കുറിച്ച് പ്രേക്ഷകരില് വലിയ ആകാംഷയും കൗതുകവും ആണ് ടീസറും പോസ്റ്ററുകളും നല്കുന്നത്. ചിത്രത്തിന്റെ മ്യൂസിക് അവകാശം പ്രമുഖ സംഗീത/ഓഡിയോ ലേബല് ആയ തിങ്ക് മ്യൂസിക് ആണ് സ്വന്തമാക്കിയത്. നേരത്തെ ചിത്രത്തിന്റെ ഓവര്സീസ് വിതരണാവകാശം ദി പ്ലോട്ട് പിക്ചേഴ്സ് സ്വന്തമാക്കിയിരുന്നു.സംഗീത് പ്രതാപ്, ഷറഫുദ്ദീന് എന്നിവര് കൂടാതെ, കോട്ടയം നസീര്, ആനന്ദ് മന്മഥന്, കിരണ് പീതാംബരന്, പാര്വ്വതി ആര് കൃഷ്ണ തുടങ്ങി വലിയൊരു താരനിര ചിത്രത്തില് അണിനിരക്കുന്നുണ്ട്. ചിത്രം കേരളത്തില് വിതരണം ചെയ്യുന്നത് ഡ്രീം ബിഗ് ഫിലിംസ്.
- എഴുതിയത്
- CITY DESK - ANANYA
- നഗരം / വിഭാഗം
- Entertainment